Hollywood, Los Angeles-ah Lady Gaga ui kaitu chu silai keng, tu tih hriat lohin a kahhlum hnuah a ui French Bulldog 2 an ru zui niin report-na chuan a tarlang.
US Media lamin an tarlan danin Pawikhawihtu Ryan Fischer chuan semi-automatic handgun hmetpuakin, ui kaitu hi a kap zuia Ui 2 te hi a tlanbopui nghal a ni. Silai hmanga beih tawktu hi nikhawhrelova awmin hospital hnaiberah dah a nih thu Los Angeles police-te chuan BBC palai an hrilh.
LadyGaga chuan a ui bo Koji leh Gustav te chu a hnenah dahkir leh thei an awm chuan lawmman tha tawk tak sum fai $500,000 pek an nih tur thu a puang zui bawk. A ui pathumna pawh a tlanbo hnuah an hmuchhuchhuak leh a ni.
A press representative chuan ui bo awmna chin hriate chuan a hnuaia email KojiandGustav@gmail.com ah hian hriattir turin a ngen nghal bawk a ni.
