California pa pakhat chuan hmeichhe naupang kum 14 mi mipat-hmeichhiatna hmanpui tûrin Rio de Janeiro ah a zin niin an sawi. A nupui Dâktawr nen Brazil-ah zin an tum a, mahse US ah Covid-19 damlo enkawl angaih avângin a kalsan tiin a sawi tih an târlang.
Jason Roy Hutchinson, 47, Hermosa Beach a chêng chuan hmeichhe naupang mipat-hmeichhiatna hmanpui tûrin naupang nu hnenah pawisa swanky hotel-ah a pek hnuin Rio de Janeiro ah man a ni tih the Sun chuan a târlang.
Hmeichhe tleirawl nu, five star hotel an va ṭhawn thut laia room bula lo ṭhu pawh chu an man tih an târlang a. Local reports chuan Sarai Bastos Santos anih thu an sawi.
Police-te chuan Hutchinson room zankhata $280 man chu va luhkhungin, hmeichhe kumtling lo nen mipat-hmeichhiatna an hmang dûn lai an va phâwk tih tualchhung chanchinbu chuan a târlang.
A tîrin, detectives-te chuan surveillance video ah Hutchinson leh hmeichhe naupang chu innghahna pindan (lobby) ah leh hotel hmun dangah an infawp lai leh a chûl/zût lai chu an hmu a ni. Hutchinson chuan nutling 1, a fanu leh a fapa kum 2 mite tân Rio thlawhna ticket a leisak tih an sawi a, an inhmuhna hmun tûra an ruat lawksa chu an pan tih an sawi.
Mipa chuan investigators-te hnenah a nupui nen Brazil a zin an tum tih a sawi a, mahse hripui avângin hmatawngtu (frontline-workers) a ni si a, US ah a kalsan tih a sawi. A hnuah inpuang in, Brazilah hmeichhia a mutpui theihnan amah chauha zin anih thu a sawi a, mahse hmeichhia kum zât erawh a hriat miahloh thu a sawi thung.
“A tuartu hmeichhia hi engemaw chen chu mipat-hmeichhiatna lamhawia chhawr anih kan ring, achhanchu, a nu hian hnathawh a nei lova, a fanu zuiin hmun hrang hrangah an zin kual ṭhin,” tiin Police Officer Felipe Santoro chuan tualchhung media hnenah a sawi a, “An mahni dâwrtute bula chêt dân tûr thlengin a zirtir,” tih a sawi bawk.
Hutchinson leh hmeichhe naupang nu chu nawhchizawrhna kaihhnawihah hrên mêk an ni.
