I hna atangin chhan leh vang tha tak awm loin hotu lian lamin ban thut ta che se la, engtin ngei i ngaih ang le! Hmanni lawk khan Company Boss pa pakhat chuan nikhat thilthuah a hnuaia hnathawk mi 900 zet Zoom Call an neih laiin a ban tih hriat ani.
India chhulchhuak, New York hmuna awm Better.com CEO Vishal Garg chuan a hnuaia hnathawkte chu Zoom meeting a neihpui a, minute 3 a liam awrh tihah chuan a Company a thawktu mi 900 lai mai chu ban an nih thu Zoom kaltlangin a puang zui ta a ni. Heng a mi bante hi company hnathawk 15% lai an tling pha a ni.
Zoom meeting an hman lai mawlh mawlh chuan Vishal Garg chuan a hnuaia thawkte hriatah, he huna meeting te chu thawktu vanduai tak an nih thu a sawilang tel bawk. A hnuaia thawkte ban an nih thu a puan veleh Better.com CEO Vishal leh a company chuan mipui dem a hlawh hle a, Company CEO chetdan chu mak an tih thu an tarlang ve bawk.
He Zoom meeting video hi Call a tel ve mi pakhat chuan Twitter kaltlangin a tarlang tih hriat a nia, mite hriatah social media hrang hrangah a darh zui ta a ni.
