OnlyFans model chuan Pope Francis hnênah nakin lawka Playboy photoshoot an neihna tûrah malsawmna pe tûrin a dil a, social media-a a thil post chuan a hneh hle tih a sawi.
Lunna Leblanc, Brazilian chu Denmark magazine next edition cover star tûra tih a ni. He kum 23 mi hian, kum 84 a upa Pope chu Twitter-ah a follow tih the Star chuan a târlang.
“Pope chu Playboy tâna ka hlawhtlin ngei theihnân min ṭawngṭaisak tûrin ka duh a ni,” tiin a sawi.
Pope in social media-a thuchah a posts chuan “thlamuanna a neihtîr” tiin a sawi bawk.
Hmanni lawka Pope thu posts amah hnehtu deuh nia a sawi chu: “Pa chuan Isua hnena a sawi ang khân, mi zawng zawng hnenah ka fa duh tak chu i ni min ti ṭheuh a ni”.
Pope malsawmna dil chu inzahlohna a ni tia lo seltute chuan, “Ka thil dil chu a tlâk lo a ni tiin min hrilh a, Pope Francis a zui tûr chuan i hur mah mah min ti bawk,” tiin a sawi.
Amah seltute chu chhânglêtin, “
“Pathian chauhin ro a rêl tûr a ni,” tiin.
Leblanc-in Pope malsawmna a dawn duh dân chu hriatchian a ni lo a ni. Thla hmasa khân Pope Francis account aṭangin model 2 thlalâk liked a ni a, a lâr hle anih kha.
