X-RAY thlalâk mak tak mai chu, coronavirus natna vei dam leh te chuap chu meizu nasa takte chuap aiin a hmêlhemin a chhe zâwk tih a lâng a ni.
He thlalâk hi Dr Brittany Bankhead-Kendall, Texas Tech University Health Sciences Center a assistant professor nilâi mêk in a pholan a ni a, nikuma hripui lên tirh aṭangin Covid-19 vei mi sang têl a enkawl tawh a ni.
Thlalak pakhatah chuan mi hrisel pangngai chuap thlalâk a lang a, adang leh chu meizu mi chuap a ni a, a pathumna chu Covid-19 vei chuap a ni bawk.
Mi hrisel pangngai chuap chu a dumin hmuh tlang a awlsam hle a, meizu mi chuap chu hmelhem in a vâr deuh pup a, chutih laiin Covid-19 vei chuap chu a hmuh tlang theihloh deuhthaw a ni.
Dr Bankhead-Kendall chuan Twitter-ah ziakin, “He thil hi tu in nge hriat mamawh ang ka hre lo, mahse, Covid-19 vei dam tawhte chuap chu meizu nasa tak chuap aiin a chhe zâwk,” tiin.
A tîrin Dâktawrten Covid-19 veite leh damchhuak tate aṭangin an thil hmuhchhuah leh hlauhawm thleng theite an sawi lâwk tawh a. Chung zingah chuan chauhna te, thawchham te, lungphu rang te, ruh inzawmna leh taksa na te leh thluak lam chianlohna te an tel a ni.
(VIDEO)
