Paris St Germain Brazil forward Neymar chu International break chhung, November thla laihawl thleng tal chu a chawlh angai dawn a, Istanbul Basaksehir nen Champions League an khelh tumin a inhliam vangin a chawlh tur hi French club coach Thomas Tuchel chuan Zirtawpni khan a sawi.
Neymar chu Nilaini khan Turkish side 2-0 a an hneh tumin minutes 26 naah a malpui hliam avangin lak chhuah a ni.
Tuchel chuan thuthar lakhawmtute hnenah Neymar chu international break zawh hnuah a lo let theih a rin thu PSG’s Ligue 1 game Nantes nen zanina an khelh tur an kawmnaah a sawi.
Ram leh ram inelna (International matches) chu Nov. 11 atangin Nov. 17 thleng khelh a ni dawn a ni.
World Cup qualifiers match Brazil chuan an home-ah November 13 khian Venezuela an hmachhawn dawn a, Nov. 17 khian away-ah Uruguay an hmachhawn dawn bawk a ni.
PSG chuan game 8 an khelh atangin point 18 hmuin, goal difference ah Lille pelin Ligue 1 hmahruaitu an ni mek a ni.
