Singer chuai theilo R & B Singer Beyonce ‘Queen Bey’ tan chuan Sunday zan Grammy Award semna hun zet chu zan chhinchhiah tlak leh hlu tak a va ni teh lul em!
Grammys Sunday Night-ah hian Nominations 9 zetah a lang a, zankhat thil thuah Nominations 9 hmupha artist dang hriat tur an la awm meuh rih lo a ni.
R & B Singer Queen Bey hian Grammy award dawng hnem ber record chelh mektu blue-grass Singer Alison Krauss chu Sunday zan hian a khum ta a ni. Alison Krauss hian Grammy 27 a la tawh a, Beyonce hian Sunday zana a chet that tak vak hnu hian 28 hui tawhin, Grammy hmuhnem ber record thar neitu a ni zui ta bawk.
Beyonce leh a zaipui Houston lam chhuak Megan Thee Stalion te chuan hemi zan vek hian Grammy history-ah sulhnu an hnutchhiah leh bawk a, an remix lar ‘Savage’ hlaah Best rap performance an hauh bawk.
Dinhmun sang taka hlangkaitu erawh R & B performance ‘Black Parade’ music a ni thung. Record thar a siam ta mai chu lawmawm a ti tak zet tih Queen Bey chuan a sawilang a ni. “Naupan tet kum 9 ka nih lai atang tawhin ka lo bei ve nasa a, he hun lawmawm tak ka tawng ta hi rinhar ka ti hial a ni” a ti a ni.
