Pop icon Rihanna chu Forbes in hmeichhe zaithiam zinga hausa ber Billionaire ah a puang ve leh ta! Singer Rihanna hian rimawi khawvel bakah a income 50% zet chu Fenty Beauty Cosmetics atangin sum thahnem tak a la lut a ni.
Rihanna hian 2017 khan vun timawina hmeichhe ho tan bika duan Fenty Beauty Cosmetics chu a tlangzarh a, he cosmetic hian hmeichhe vunrawng chihrang 50 zet in an hman theih tur ziarang a nei tih hriat a ni.
Forbes in a tarlan dan chuan hmeichhe zaithiamte zingah Rihanna chu hmeichhe hausa ber a nia, a pumpui ang chhut chuan Oprah Winfrey chauh chu a aia hmeichhe hausa awm chhun a ni.
Rihanna Fenty Beauty Cosmetics Brands hian Kylie’s Cosmetics, Kim Kardahsian KKW Beauty leh Jessica Alba Honest Company te aiin pawhin sum a hailut hnem zawk tih Forbes chuan a tarlang bawk.
