Khawvel boxer larte zinga mite ngaihsan leh hriat hlawh tak Manny Pacquiao kum 42 a upa chuan Boxing khawvela a intlansiakna hun chu a tawp ta tih a puang ve ta! He thu hi Toni Talks YouTube Channel ah, Toni Gonzaga host na hnuaiah a sawilang a ni.
“Boxing khawvela ka tlan hun chhung chu a rei ta hle mai. Ka chhungte pawhin Boxing chu chawlhsan tawh turin min duh tak zet a ni. Boxing ka khelh chhunzawm zelna chhan pawh nuam ka tih em vang a ni pa khat” tiin Pacquiao chuan a sawi a ni.
Pacquiao-a’n a tawngkam chhuak hi a la vawng nung dawn a nih chuan thla hmasa a Cuba Boxer Yordenis Ugas nen an inhnekna chu Boxing a khelh tawpna a ni dawn ta reng mai tihna a ni.
Amah legendary boxer chanchin hrechiangtute sawidanin, Manny Pacquiao thutlukna hi thu tawp la ni chiah lo mahse, hmanni lawka interview a hmachhawnnaah in fight a tum tawh loh thu a sawilang ngei tih a tarlang bawk.
Pacquiao hian 1995 kumah a professonal Boxing career bul a tan chho a, hnehna vawi 62 a chan tawh bakah mi 39 chu Knock Out in a hneh a ni. Vawi 8 a chak tawh lova, vawi 2 draw pui a nei bawk.
Khawvel boxer dangte zingah title 8 la thei awm chhun a ni a, Boxing lam chu chawlhsan tawh mahse Philippines Senator ni mek hian Politics lamah hmachhawp a neih nual rin a ni.
