Hollywood actor Liam Neeson chuan tûnhnai mai khân action movies a chawlhsan thuai tûr thu a puang. Taken star hian hetiang thil ti tûr chuan a upa tawh tih a sawi.
Media-te’n an kawmnaah, Neeson chuan, “Tûnah kum 68 leh chanve ka hmang mêk a, June thla khian kum 69 ka tling dâwn. Kuminah 2 siam tûr ka la nei a, Covid-19 vânga harsatna a awmloh ngei ka beisei a, chu chu a tawpna tûr anih ka ring,” tiin a sawi.
“Australia-ah (Blacklight) kan siam zo chiah a, chumi lai chuan actor naupang duhawm tak Taylor nên lemchannaah (scene) chuan kan in sual a, kan insual chanve ah ka thaw achham a, a ni erawhin engatanmah ala ti lo. Ka en chho a, “Taylor kum engzatnge i nih?” tiin ka zâwt a, a ni chuan, “kum 25” tiin min chhâng a. Keichuan, “Ka fapa upa ber (Micheál Richardson) nen in inrual chiah a nih chu,” tiin ka chhâng tih Neeson chuan a sawi.
