Mizo thufing pakhat ah chuan “Hmeichhia leh uite a chul nel peih peih” tih ziak kan hmu a mahse, hmeichhe nazawng hi chul nel theih vek erawh an lo ni bik awm love!
Hmangaih takten min hmangaih let ve loh hian rilru a na a, phuloh rose par thliah tum chu a hlingin mi a chhun let a, tawrhna bak engmah hlep tur kan nei lo thin!
Khawvela thilmak thlen tam ber ram pakhat China rama nu leh tlangval chanchin hian social media lamah sawi a hlawh hle. Anhui hmuna cheng tlangval pakhat chuan beidawng duh hauh loin nula a bem a, nula chuan chhang lo mahse a beidawng hauh lo. Kum 5 chhung zet a try hnuah nula chuan chhan a hnekin khawngaih a dil ta zawk tih an sawi.
Kum 5 zet awm ngaihna hre lova a zui hnuah nikhat chu kawtthler lun laiah nula chu tlangval hmaa thingthiin, a hnenah ngaihdam a dil chiam tih an sawi. Nula chuan tlangval hnenah, a kiangah in lan tawh lo hram tur leh kalsan hram turin a ngen chiam a, a pangpar pawh a laksak theih loh thuin a chhang a ni. A hringnun chu tizalen tawh turin a ngen a, tlangval chuan sawi tur a vanin kal ngaihna pawh a hre chuang lo a ni.
Tlangval lainatawm hi engkawng nge a zawh zel hriat a nilova, mi tam tak chuan hmeichhe zalenna hriatthiam a tul thu leh a pawnga puia tihluih chi an nih loh thu online comment lamah an ziak lang nasa a ni.
