Hun engemaw chen an awmhran tawh hnu leh an inkar boruak a chhiat chhoh tak hnuin, Arnold Schwarzeneggar leh a nupui Maria Shriver te chuan official a an inthen thu an puang ve leh ta!
An inthen thu hi private Judge chuan engkim inthenna lehkha pawimawh a ziahfel hnuah tunthlatir lam khan a puang zui ta tih TMZ chuan a tarlang.
Nupa tuakte hian an thilneihte insemdan turah thutlukna an siam mai thei lova, hei hian dan pangaia an inthenna chu a tikhawtlai mah zawk a ni.
An inthenna thuhla tam zawk chu puanzar a ni lova, TMZ in a tarlan danin, nupa tuakte hian an neih sum $400 million chu a zahve in an insem beisei anih thu a tarlang bawk.
Milarte khawvelah hian zawng nupa kumhlun tur an awm thei tak tak lo a nih ber hi maw. Hlim takin an innei a, rei a rial hmain inthenna in a zui leh nghal mai thin a ni.
