Denmark leh Finland ramte an inkhelh tumin vanduaithlak tak maiin Christian Eriksen chu mualah a tlu hlauh maia, hun reivaklo inkhelh tihkhawtlai a nih hnuin a lo harh chhuak leh a ni. Tichuan, inkhelh chhunzawm leh nghal a ni.
He thil thleng avang hian mipuite chu inluangruala thukhat vuain, Christian Eriksen tan an ding a, Eriksen hi a tluk veleh Finland players-te chuan inkhelh an chawlhsan nghala, Denmark team doctor leh medics lam chu a hmunah an tlanlut nghal bawk.
Marphu a nei tawhlo tih an hriatin CPR an ti nghal a, vanneihthlak takin an tiharh leh thei ta ani. Inring tak leh rang taka an chet nghal avangin medics lam chuan Eriksen nunna chu an chhanchhuak thei ta a ni.
Eriksen chu zawnhlanga an kalpui laiin mipuite chu an ding ruala, leh lam leh lam fans-te chuan a hming lamin an au rual bawk. Mi tam takin a dam leh thuai theih nan duhsakna leh hmangaihna an lantir nasa hle a ni. Football game tluk zetin Erksen-a’n duhsakna an chan chu a ropui a ni.
