Manchester United legend Sir Alex Ferguson chu Old Trafford a cham chhung khan a players sign-te a fuh vek bik lo. A chanchin a ziahnaah Scot pachal hian a players signed-te zinga a sign fuhloh ber ‘disaster’ ti hiala a chhal a sawichhuak.

Khawvela football manager ropui berte zing ami ni mahse, Sir Alex Ferguson hian transfer market-ah a hlawhtling vek bik lo bawk.

He Scot pachal hian Manchester United kum 27 a enkawl chhungin Premier League title vawi-13 a lakpui hmana, FA Cup vawi-5, League Cups vawi-4 leh Champions League vawi-2 a chawipui hman a ni.

Heng no mawi a chawi theihna chhan chu, heng world-class player -Cristiano Ronaldo, Wayne Rooney, Roy Keane, Rio Ferdinand leh Eric Cantona-te contract a signed puu vang a ni kan ti thei ang.

No mawi zawng zawng erawh a chawi vek theih bik lo a ni. Chutiang bawkin, Sir Alex khan Red Devils tan players sign fuh loh tak takte a tawk ve bawk. Bebe, Kleberson, Juan Sebastian, Veron, Eric Djemba Djemba, Mark Bosnic-te pawh hi a players lakluh fuh lohte an ni.

Kum 2013 a, a chanchin ziahna (Autobiography) ah chuan a players lakluh zinga hlawhchham/fuhlo ber pawlah chuan Owen Hargreaves anih thu asawi mauh mai.

Hargreaves hi Manchester United ah kum 2007 khan Bayern Munich atangin Bundesliga Cup vawi-4 leh Champions League no mawi lain United lamah a insuan lut a ni.

Man United a luh kumah Game 34 khelin Premier League title a lakpui bakah Champions League vawi-2 Ferguson team tan a lakpui bawk. Hemi hnu, kum-3 chhung (2008 -2010) inkar hian hliam a tawrh deuh reng avangin game 4 chauh a khel hman nghe nghe.

“Owen Hargreaves Man Utd a kan signed pui kha ka thlir let a, kan sign hma kum 2006 khan mak tih khawpa ropuiin a khela Man Utd team tan Keane-a hmunruak hnawhkhattu tur atan ka la lut” tiin a Autobiography ah a ziak a ni.

Owen lakluh chungchang ah hian David Gill chu Bayern nen indawrin a thawkrim hle a ni.

Alex chuan, “Owen’s agent nen World Cup laiin Berlin khawpuiah kan inhmua, Owen chu Man Utd ah nasa takin hma kan sawntir thei ang tia ka sawi chi chu ka sawi dik lo hle a ni. Ka beiseina chu Chhiatna mai a ni zawk si” a ti bawk.

Owen chu kum 2011 khan Man United rivals Man City-ah a insawna, kum 31 mi niin City tan vawi 4 inlanin inkhelh a chawlhsan zui ta a ni.

LEAVE A REPLY

Please enter your comment!
Please enter your name here