U.S. Secretary of State Mike Pompeo chuan nimin Thawhlehni khan inringtawk takin, ‘Vote dik taka chhiar zawh anih veleh Trumpa chuan a term 2 nan sawrkarna chelhin rorelna ala kengkawh chhunzawm dawn a ni’ tia sawiin, President nihna chuhpuitu Democrat presidential candidate Joe Biden chu hnehin a awm dawn a ni a ti bawk.

Khawvel hruaitu anihna ang takin thu a sawi a, Washington thianthate zingah Britain leh France te pawhin Joe Biden lawmpuina thu an thawn tih a sawi tel. Trump, Republican presidential candidate erawh chuan Joe Biden chak anga an tarlang fo chu pawm thei loin, inbumna avang maiin result hi a hmelhemin a dik lo a ni a ti ve thung.

“Trump administration chu a tum 2 na tur in tluang takin a kal chhunzawm dawn a ni” tiin Pompeo chuan State Department news Conference ah a sawi a ni. U.S. inthlan hnua thil inthlak danglam chuan a hlawhtlinna alo tichiang ang tiin khawvel hriatah a sawi zui a ni.

“Vote zawng zawng hi kan chhiar vek dawn.. Khawvel hian he inthlannaah hian State Department rinna, tuna hlawhtling mek ah hian a nei tur a ni a, kan hmalawk January 20 khian Trump’an Office a luah ngei dawna, hemi hnu thleng pawhin a hlawhtling zel ang” tiin Pompeo chuan a sawi a ni.

Biden, nakum January 20,2021 a office luah tura in ngai pawh a dinhmun a derthawng ta tho a, Trumpa’n inthlan result a chaklo anihna chu dân hmangin a bei lét ve mek bawk a ni. Republican U.S. dânsiamtute (lawmakers) chuan a dikna chu humhim turin an pui bawk a ni.

Trumpa’n a chaklohna a pawm duhloh hi, State Department-in, inthlanna zalen leh dik taka kalpui a tumna a tikhawlo a ni mai lo maw? tia zawhna chu, Pompeo, Donald Trumpa thiantha leh a ruat ni bawk chuan, “He department hian he khawvela inthlanna zawng zawngah hian ralmuang leh him takin, zalen leh dik taka neih ni zel se tih hi a duh ber a, chutiang chuan a awm em tih hi a chian thin a ni” tiin a chhang a ni.

U.S. ram puma roreltu pawl (Congress) zinga Republican hruaitu, Senate Majority Leader Mitch McConnell chuan fimkhur tak siin Donald Trump chu tan in, “Trumpa’n thil diklo a awm ngei nia a puhna chu 100% in en theihna leh dikna a nei a ni” tiin a sawi a ni.

U.S. Attorney General William Barr, Trump-a ruat, Justice Department a hotu ber chuan, Thawhtanni khan federal prosecutors te chu vote thlak dan dik lo leh ballots chhiar dikloh chungchanga puhna nasa tak awm chu chhui chiang turin thu a pe a ni.

Pompeo chu November 3 inthlan zawh hnua a vawikhatna turin ram 7 France, Turkey, Georgia, Israel, Qatar, United Arab Emirates leh Saudi Arabia ahte hian November 13-23 inkarah a zin chhuak dawn a ni. Heng ram thenkhata hruaitute chuan Biden-a lawmpuina thu an lo thawn hman tawh a ni.

LEAVE A REPLY

Please enter your comment!
Please enter your name here