Mipa sual tak mai chuan a fanu thla 4 leka upa chu hurna lamhawia a khawih hnuah a rehhlum avângin, kum 93 chhûng tâng tûrin a chungthu rêlsak a ni.
Leonardo Garcia Bojorquez, Central Mexico ami chu an inah a fanu enkawl lâi mêk ruang an hmuh hnuah man anih thu an târlang.
Prosecutors-te chuan Huehuetoca khuaah February 2019 khân a nu awmloh hlânin apa Bojorquez chuan a lo enkawl tih an sawi. Mahse, a fanu nen chauha an awm lai chuan hurna lamhawiin a khawih ṭan tih an sawi bawk.
Thawchhama a thih thlengin apa chuan a sawngbawl ta a. Post-mortem aṭanga alan dân chuan hurna lamhawia khawih leh rehhlum ani tih an hmuchhuak a ni.
Police-te chuan an man ta a, bail-a chhuah pawh phalsak a ni lo, achhanchu, mipui thinrim an vengthawng niin an sawi.
A chungchâng an ngaihtuah hnuah, nausên leh ama fa ngei a tihhlum avângin kum 93 chhûng tâng tûrin a chungthu an rel a ni.
Hei bâkah hian pawisa £19,107 leh zângna dawmna £8,406 chawi tûra tih a ni a, civil leh voting rights-te tihtâwpsak a ni bawk.
Ṭhenkhatin an chhût dân chuan, North American ramah nitinin hmeichhia leh naupang 11 thah/tihhlum ziah angin an târlang a ni.
