Mipa pakhat chuan water park ah a fate hmuh laiin a nupui a kaphlum a, kum 24 chhûng tâng turin a chungthu rêl a ni.
Joao Fernando Nedopedalski chu a nupui Ivanilda Kanarski nen an fate enkawl chungchângah nasa taka an inhnial hnuah a thah avângin, nimin Zirtawpni khân thiamloh chantîr a ni a, he kum 38 a upa hian a nupui unaupa thah a tum tel avângin hremna pekbelh a ni bawk.
Ivanilda Kanarski chu July 26 2018 khân Irati khua, southern Brazilian state, Parana water park ah kahhlum a ni.
Nutling fa 2 nei tawh chu a fate kum 12 leh kum 7 mite nen an infiam ho laiin, a pasal chu car in alo thleng a, pistol in a kap ta nghal tih an sawi.
Kum 30 mi chu silai mu 2 in a âwmah leh a koki ah a fuh a, hmanhmawh takin damdawiin panpui nghal a ni a mahse, a hliam tuar lovin a boral ta a ni.
Police-te chuan a tuartu unaupa, an chhungkaw zînga water park a awm ve tho chuan Nedopedalski chu alo bei lêt a ni.
Police duty off lai, water park a awm chuan silai kah ri a hriat veleh a tuartu unaupa nen an insual lai va nangchîng in an mi rinhlelh chu a man thei ta a, Nedopedalski chu a hnuah jail a dah a nih thu an sawi.
Nimin khan, a nupui nên an awmhran chhan a sawi a, a nupui chuan ngaihzâwng dang a neih thu a sawi a ni.
Court hnenah a fate chu an state khawpui Curitiba-ah a hnêna chêng turin hruai a tum tih a sawi a mahse Kanarski chuan a phal lo tih a sawi a ni. Nedopedalski chuan hemi chungchângah an inhnial avângin a nupui chu a kap tih a sawi bawk.
Kanarski chhungkaw aiawh a ding Ukil chuan, kum 24 leh thla 4 chhûng hremna an pêk chu tlêm tiin belhchhah tûrin court hnênah a sawi a ni.
