Brazilian nu pakhat chuan a fanu kum 5 mi chu a mit a kher chhuahsak hnuah a lei a tan chhum a, a eisak zui tih an târlang.
Josimare Gomez da Silva, 30, chu Pathianni (Sunday) khân an khua Sao Cristovao, an chênna ah man a ni tih hriat a ni a, hmeichhe naupang pu chuan an bathroom a tihchhiat hnuah thilthleng rapthlâk tak mai chu a hmu tih Newsflash chuan a târlang.
Naupangtê pu chuan pâwna tui luan kawrah thisen lo luang chhuak a hmu a, da Silva chuan a fanu, Brenda Carollyne Pereira da Silva nên bathroom-ah an inkalh khum tih a sawi a, kawngka tichhia a ava luh chuan a fanu ruang bulah chi ai takin alo ṭawngṭai tih a sawi.
Investigators-te chuan, a nu rilru buai chuan a fanu Brenda chu a nung chungin bakcheh in a vit tih Newsflash chuan a târlang.
Police-te’n thu an zawhfiah laiin, da Silva chuan ṭawng chi hrang hrangin a chhâng hlawm a, Spanish pawh a tel tih an sawi. A fanu mit kher chhuah leh a lei a tan chhum chungchâng chu, a tihloh thu a sawi tih an târlang bawk.
Hmeichhia rilru lama buai leh depression nei nia hriat chuan, rilru lama harsatna avângin hetiang thil rapthlâk tak hi a tih phah taah an ngai a ni. Tûnah hian Delmiro Gouveia police station-ah kawl mêk a ni a, chhuichianna neih anih chhûngin an state capital Maceio, hmeichhe tân inah dah a ni dawn tih an târlang bawk.
