Myanmar sipaiten an ramah kar liam taa thuneihna an lak hnu khan Facebook chuan Sipaiten Facebook an khawihdan leh an chetdan chu a thlithlai reng a, theih tawpin dawt thu leng vakte chu khapbeh a tum a ni.
Social media Company lian tak, Facebook chuan Myanmar ram dinhmun chu emergency ah ngaiin, Facebook News Feed lamah Myanmar rama thilthleng mek chungchang chu sipai lam pages leh Profile-ahte a tlem thei ang ber tih lan an tum a ni. Heng account an khuahkhirh zingah hian Sipaite hman ber Tatmadaw pawh a tel tih CNN chuan a tarlang.
Tianga Facebook thuneituten khapna leh khuahkhirhna an tihchhuah tak ah chuan, pages leh News Feed lamah Myanmar kaihhnawih chanchin hmuh tur a tlem sawt dawn tihna a ni.
Myanmar ah hian Facebook hmangtu Millions chuang an awm a, Military lam pawhin a Facebook chawpin an khar ve leh bawk.
Blog post in a tarlan danin, Facebook in account a khuahkhirhte zingah Tatmadaw Information Team’s pages pawh a tel ve tih Tatmadaw Spokesperson Brigadier General Zaw Min Tun chuan a sawi.
