Pa pakhat chuan a bialnu nautê pâi lâi a tihhlum hnuah, a taksa chu hâl in, rukbo anga lantîr a tum avângin Police-ten an man a, a tihhlum chhan chu nautê a duhloh vâng niin an sawi.
Wando Cordeiro Vasconcelos chu nikhat hnuah an man a, a thiltih sual rapthlâk tak chu a inpuang tih tualchhung chanchinbu in a târlang.
He kum 35 mi hian a bialnu physiotherapy zirlai Maria Efigenia Soares taksa kâng ût tawh chu Chorozinho, eastern Brazil ngaw hnuaiah a paih tih Police-te hmaah a inpuang a ni.
Efigenia chu north-eastern Brazilian khawpui Fortaleza, an in aṭangin supermarket lama kal tûrin a chhuak a, chuta ṭang chuan a bo ta tih an sawi.
Efigenia nu, Jaqueline Santana, chuan an inkâra inlaichinna awm chu a hre lova mahse a fanu nautê pai chu Vasconcelos chuan hrintîr a duhloh avângin a tihhlum a nih a ring a ni.
Tualchhung chanchinbu hnenah, “Kan ina lo kal fo ṭhin nen an chhuak dûn a, ka zawh lahin ṭhian a nih thu in min chhang,” tiin a sawi.
Santana chuan thiltisualtu chuan a thiltih sual thupbo nân ka pasal hnênah ka fanu thawn awm ang takin, “Rukbo ka ni” tiin thu a thawn tih a sawi bawk.
Vasconcelos chuan rubotu angin a chhûngte hnênah BRL 20,000 (GDP 2,729) a phût thu a thawn tel bawk. He thu a thawn lai hian a tuartu chu a tihhlum tawh tih an sawi.
Thiltisualtu chu tualthah thubuai, mitthi ruang thupbo tumah leh dawt hmanga mi rukbo tum thubuai awrhtîr a ni tih an târlang.
Vasconcelos chu venhimna hnuaiah a chungchâng ngaihtuah hun nghâkin hrên mêk a ni.