Nu pakhat Private zirtirtu chu mipa naupang kum 15 mi a pawngsual avâng leh hmeichhe kum 13 mi chu tihluihnain mipa naupang nen mipat-hmeichhiatna hmang tûra anawr luih avângin jail-ah khung a ni. Leticia Lowery, 40, chu November thla khan kum 2019 a pawngsual leh mipat-hmeichhiatna hmang tûra midang a nawrluih avângin Houseton, Texas-ah kum 20 jail tang turin hremna an pe tih an sawi.
Pasal nei lai private zirtirtu, a in aṭanga mi zirtir thin chuan, nikum khan mipa naupang chu hurna lamhawiin a khawih tih hriat a nia, chumai bakah mipa naupang leh a bialnu chu a motor in a hruaia, a hmuh lai ngeiin mipathmeichhiatna hmang tûrin a nawr lui tih an sawi.
Lowery in naupang hurna lamhawia a khawih tih hriatchhuah anih dân chu naupang nu in a fapa phone a hurna lamhawi thuthawn a hmuh vâng a ni. Reilote hnuah man a ni zui ta a ni. He zirtirtu hian a thlalak dukdak lo pui pui chu mipa naupang dang kum 15 mi hnenah a thawn avângin Montgomery County chuan thubuai dang an siamsak leh bawk.
Lowery chuan naupang hnenah ‘nuam a tih apiang chu a tihsak thei’ tiin a hrilh a ni. Chu naupang chu an ṭhian hnai tak fapa, zirtirna a pek lai mêk a ni bawk.
He zirtirtu hi kar hmasa khan ‘inspirational love’ t-shirt ha in, naupang hurna hman sualpui chungchanga an hêkna ngaihthlakna (hearing) neih a ni.
He thilah hian thiamloh chantîr anih chuan kum 20 dang tan belh thei dinhmunah a ding mek bawk a ni.
