HYDERABAD: Mipa naupang kum 10 mi chu apa chuan KPHB Road, Hyderabad ah Pathianni zân khân a hâl tih an târlang a. A fapa chuan lehkha a zir ṭhatloh avângin apa chu a thinrim tih an sawi.
KPHB Police-te chuan R Charan, 6th Grade zirlai chu a taksa 60 percent lâi kângin hliam na tak a tuar tih an sawi a, tûnah hian Gandhi Hospital-ah enkawl mêk anih thu leh a dinhmun a ngaihtuahawm thu an sawi.
Zân dar 9:30pm vêlah chuan Charan pa Balu chuan a fapa chu dâwrah beedies/biri lei tûrin a tîr a. Alo haw hnuah, Balu chuan a tlai avângin na takin a vua a, lehkha zir ṭha peihlo leh tuition pawh kal ṭha lo angin a puh bawk. A nupui chu inrawlh a tum a mahse Balu chuan namsawnin a vaw chhunzawm ta a ni.
Balu chuan rawng a an pawlh ṭhin oil bûr chu la in a fapa chu a leih ta a. A meizial biri chu ṭanin nawhalh chu naupang taksaah chuan paihin a hâl ta a ni. Naupang na ti lutuk chu chhantu auvin a tlan ta chiam mai a, tui luankawrah chuan a tlu ta tih an sawi.
Tualchhung mite chuan naupang chhanchhuak tûrin an lo chhuak a, a taksa chu tuiin an leih ta a ni. Hmanhmawh takin Gandhi hospital an panpui nghal a, police-te beng a thleng nghal bawk. Balu chu man nghal a ni a, police-ten tualthah a tum lai hian Balu chu a ruih an rin thu an sawi.
