Lin Qi chu Game of Thrones siamtu David Benioff leh D.B Weiss te nen thawh hona an neih hnuah, a thingpuiah tûr pawlhsak a nih avângin hmanhmawh takin damdawiin panpui anih thu an tarlang.
Netflix sci-fi action series ‘The Three-Body Problem’ producer Lin Qi, China mi chu a thawhpui pakhatin tûr a a hrâi avângin Christmas ni ah a thi tih an sawi.
Kum 39 mi, producer chu China’s Yoozoo Group chairman niin, Chinese science fiction novel a taka ti puitling tûrin Game of Thrones siamtu David Benioff leh D.B Weiss te nen an thawk ho mêk a ni.
Netflix chuan Yoozoo Group aṭangin chanvo an lei a, novel chu live-action TV show a chantîr tûrin Game of Thrones star-te leh writer Alexander Woo chu ziaktu ah leh executive produce tûrin an ti a ni.
Mr Qi company chuan novel zulzuiin an mahni kutchhuak ngei video game, film leh TV te an tichhuak bawk.
Nilaini khân, Variety chuan Mr Qi chu Intellectual Property of the book series a a thawhpui chuan tihhlum tumin tûrin a hrâi tih an tarlang. Mr Qi chu enkawl ni mahse a nunna chhan hman anih tawhloh avângin damdawiinah a thi tih police-ten an sawi.
Tualchhung police-ten a thawhpui chu tualthattua rinhlelh niin an man tih an sawi.
‘The Three-Body Problem’ chu trilogy novel niin khawvel leh alien civilisation inzawm chungchang a ni a. He lehkhabu hi Hugo Award for Best Novel a thlan a ni a, Asian novel zînga hetiang ti thei hmasa ber niin ṭawng hrang hranga lehlin a ni bawk.
