HISAR: Pa pakhat chuan a fanu kum 17 mi chu kum 7 vêl lai vawi tam tak lo pawngsual tawh a, vawi tam tak raitîrin nau a tihtlâk tîr bawk avângin Hisar Police-ten an man tih an târlang. A fanu kum 11 mi pawh khawihbuai a puh a ni bawk a, Police-ten thil tisualtu chu thu zawtfiah tûrin an kawl mêk a ni.
Hisar woman police stationah pawngsual tâwktu chuan apa hnenah thubuai a thehlut a, sections 376(2) (n) (vawi tam tak pawngsual), 376(2)f (chhungkhatte aṭanga pawngsual tâwk), 354-A(1) (tihluihna hmanga mipat-hmeichhiatna hmanpui), 313 (hmeichhia remtihna tel lova nau tihtlâk), 323 (tum rêng vanga mi tihnat), 506 (mi vau) hnuaia Indian Penal Code hmangin leh sections 6 na (hurna lam hawia nasa taka khawih) leh 8 na (hurna lama mi tibuai) hnuaia Protection of Children from Sexual Offences (POCSO) Act hmangin thubuai an ziaklut a ni.
Police-te hnêna thubuai a thehluhah, a tuartu chuan apa chu sawrkar officer hnuaiah chaw chhumtu in a awm a, official quarter an luah nghal tih a sawi. Apa chuan kum 7 dâwn lai mai chu vawi tam tak a pawngsual ṭhin tih sawiin, a duhloh chuan thahah a vau ṭhin tih a sawi bawk.
(Supreme Court in dân a siam angin, hurna lam kaihhnawihah chuan a tuartu nihna hi a mimal nun nghawng thei anih avângin târlan loh a ni.)
