Hmeichhe pakhat vuina hun chu mak tak maiin mipat-hmeichhiatna hmanna hmunah a chang tih an sawi a, mipa pakhat chuan mitthi ruang chu mipat-hmeichhiatna a hmanpui tih an târlang.

Big Sipiliano, kum 49 a upa, Epworth, Zimbabwe mi leh a ṭhianpa chu Melisa Mazhindu vuina hun an hmannaah January 2, tlailam dar 1pm hnuah an va kal a, ruang chu an khawih ta a, lusûn chhungkuate chu inrawlh lo tûrin an dang bet tih an sawi. An pahnih hian an rui niin an sawi bawk.

Sipiliano chuan Melisa Mazhindu ruang an dahna pindanah chuan a lût a, chutihlai chuan a ṭhianpa chuan kawngka alo vensak a ni. Ruang chungah chuan lâwnin lusûn chhungte hmuh laiin mipat-hmeichhiatna a hmanpui tih an târlang.

Sipiliano, “Bigman” tia koh chuan famta Melisa nu Phillipa hnenah a fanu kum 20 mi chu hunrei tak aṭang tawhin mutpui a châk ṭhin thu a hrilh a. Lusûnte hnenah chuan Melisa chu a hmangaih tih a sawi a, mipat-hmeichhiatna an hman dun hmaa a boral chu pawi a tih thu a sawi bawk niin an târlang.

Reporters-te hnenah Phillipa Mazhindu chuan, “Sipiliano chuan a thi tawh anih pawhin, a châkna tih puitlin chu diklohna engmah a awm lo tiin a sawi a. A ruang chu a phelh a, a taksa chungah chuan mu in mipat-hmeichhiatna a hmanpui a, kan inrawlh tûr chu a ṭhianpa in kawngkaah min dang tlat a ni” tiin a sawi.

Melisa nu Phillipa Mazhindu, 47, chuan an ṭhenawm ten thiltisualtu hnen aṭanga sazu thi, puan sen leh thing zung an hmuh aṭangin puithuna lamthil vâng anih arin thu a sawi.

Big Sipiliano leh a ṭhianpa chu man an ni a, hurna lamhawia mitthi tawh an khawih avângin February ni 8 thleng tâng tûra tih annih thu local reports chuan a târlang.

LEAVE A REPLY

Please enter your comment!
Please enter your name here