October thla khan Delaware tleirawl kum 17 mi chu ramhnuaiah hruai anih hnuin thah a ni a, amah thattua rinhlelh mi 2 man an ni.
Annika Stalczynski, 17, chu November 16 khan Noah Sharp-a’n Madison Sparrow-i thah a nih lai hian a thurualpui tih an hmuchhuak a, man a ni zui ta tih Delaware Attorney’s General Office chuan a tarlang.
Stalczynski hi Newark Charter High School-ah Sparrow-i nen an lo in classmate tawh tih Delaware News Journal chuan an tarlang bawk.
Sparrow-i nu leh pate chuan an fanu hi October 5 khan a bo thu an report a, a bo atanga ni 3 hnuah police-te chuan Sparrow-i ngaihzâwng hlui Sharp chu an man zui ta a ni.
Sparrow-i pa Richard Prestige, chuan a fanu thihna chu a tuar hle mai a, kum naupangte a a kalsan chu a tuarthiam lo hle a ni.
Sharp, 19, chu Police-te hmaah a bialnu hlui chu baseball bat a vua in a that tih a inpuang a, a taksa chu Interstate 95, ngaw chhungah a paih tih court documents ami Delaware News Journal chuan an tarlang bawk.
Sparrow-i thah anih chhan chu chiang takin hriat ala ni lova, mahse Sharp chuan an thah dân tur chungchang chu Stalczynski nen an ruahman tih a sawi. Sharp leh Stalczynski te inkâra inlaichinna awm hi hriat chian ala ni lo bawk a ni.
Stalczynski leh Sharp te chu tum rêng vanga tualthah tumna, thil sual ti tura thihna thlen thei hmanrua kawlah leh phiarrûkna thubuai awrhtîr an nia, thiamloh chantîr an ni zui ta a ni.
An pahnih hian $1,021,000 bail a chhuah lailawk an ni.
