Nu pakhat thikthu chhe tak mai chuan a bialpa chu kapin, a bialnu dang chu Facebook video call a bia in, a bialpa chhuata let thisen chhuak mek chu a entir a ni tiin prosecutor chuan a sawi.
Rosa Lagrone, 34, chuan a bialpa Darnell Manns, 27 chu Chicago khawpui daifem, U.S ah hmeichhe dang vanga intibuaiin a kap tih report a ni.
A hnungzangah silai mu tangin ni reilote hnuah a boral zui ta a ni.
He nutling fa 5 nei tawh hi, tualthah vanga man niin, a thih tak avangin tualthah thubuai siamsak a ni zui ta a ni.
Prosecutors chuan October 30 khan Naperville a an inah an inhnial buai a, mipa zawk chuan chhuah tumin a thawmhnaw vel a siam a, chumi lai tak dar 2:15 pm ah vawilehkhatah a kap ta a ni.
Silai mu chu a awmah tlangin, a hnungzangah a tan thu the Chicago Tribune chuan an tarlang.
Tichuan a bialpa Facebook account atang chuan hmeichhe dang chu ava phone ta a ni.
A video ah chuan a bialpa thisenin a bual lai tilangin, tu emaw screen a lang si lovin vawi 2 vel a pet a, amah Lagrone ni ngei a rin a ni.
Mi a kah zawh chuan a chhungte ko in, a fate 4- kum 6, kum 10, kum 13 leh kum 14 mite pawna motor chhunga awmte chu lam turin a hrilh tih an sawi.
“Tunah hian ka fate ho hi in lo lam nghal angai, ka damchhungin jailah ka lut dawn” tiin a sawi an ti bawk.
Prosecutors te chuan naupangten an intihbuai chu an hria a mahse silai a an inkah erawh an hre lo tiin an sawi.
Police officers ten a hnuah silai leh a mu chu an hmuchhuak a ni.
Dupage County Assistant States Attorney Mandy Meindl sawi dan chuan, endiktu (investigators) te hnenah a silai chu tihpalh thilthu a hmet palh liau liau a ni tih a sawi a ti.
Lagrone hian fa kum 18 mi a nei niin an sawi bawk. $1.5 million (£1.1 million) a intiamkamna a neih hnuah hren zui mek ala ni.
Lagrone hi mi thah tum thubuaiah thiamloh chantir anih chuan damchhunga tang thei anih bakah, silai hmanga mi tibuaiah leh silai kawl thubuai an siamsak bawk a ni.
