COCAINE ngawlvei nu pakhat chuan a fanu naupangtê thla 19 mi chu tui so a leihin a tihhlum avângin damchhunga tâng tûrin a chungthu rêl a ni.
Katie Crowder, 26, chuan a fanu chu an bathroom tui a achiah hmain, a hnârah powder vâr cocaine chu a hîp lut hmasa a ni.
A nu leh pa awman chu in 2 lekin a dang chungin, darkar 1 chuang hnuah chauh a fanu nikhaw hre lo a awm leh a taksa 65 percent kâng chu a hruai a, chhuatah a hmuh thu a sawi zui a ni.
Crowder chu a chûngchang ngaihtuah anih laiin, Nottingham Crown Court chuan damdawiina Gracie thih laia an man hma darkar 5-ah a taksaah cocaine tam tak a hip lût ngei tih finfiahna an ngaithla a ni.
Kum 26 mi chuan a thah anih loh thu sawi mahse rorêltute chuan kar hmasa khân thiamloh an chantîr tho a ni. Nimin zînga ro an rêlsak ah chuan, Crowderi’n chhuak tûra a dil phalsak anih hmain kum 21 chhûng tal jailah a tan tûr thu an hrilh a ni.
Judge Mr Justice Jeremy Baker chuan nikuma Gracie thihna chu “a lungchhiatthlâk ang bawkin rilru a tibuai hle” tiin a sawi.
Tihian sawi zuiin, “, Rorêltute’n i chungchang an rêlna aṭanga thil lang chiang em em chu, naute hmai leh taksaah tui sa in i leih a, bualna a a ṭhut laiin chutianga sa tui i dah bawk a, chu chuan a taksa 65 percent lai a kan phah a ni.
“Chuta ṭanga chiang em em chu, na ti lutuk in a ṭap ang a, talchhuah a tum ngei dawn a. Rang takin a thi nghal mai dawn lo tihna a ni” tiin a sawi.
Mr Justice Baker chuan Gracie thih hma zawng chuan, Crowder chuan a fanu chu hmangaihna nen inlaichinna ṭha tak a neihpui niin a lang a, rilru lamah hrisel lohna neiin, depression nasa vak lo a nei bawk niin a sawi.
Mahse Gracie chunga ‘hliam nasa tak leh hrehawmna’ i tawrhtir hian rilru a tibuai hle a ni tiin a sawi bawk.
Prosecutors in kumin marh 6 khân rorêltute hnenah, Crowder chuan a fanu chu a chetsawn theihloh nân a sam ah leh a lu hnung lamah a man a, tichuan tui so a leihin, a thi lai chu a thlîr a ni tiin a sawi.
Court hmaah, Crowder chuan a sulhnu tih-reh nân minute 60 vel a hmang a, chumi hnuah Gracie nikhaw hre lova awm chu an awmna bul lawk Mansfield, Nots ah a nu leh pate hnenah a kalpui a, “A thi, a thi” tiin a hrilh hlawm a ni.
Prosecutor Sally Howes QC sawidan chuan, Crowder’s nu chuan, ‘Engthil phiangsen nge i tih tak?’ a tih chuan, “Ka hre lo, heti hian ka va hmu alawm” tiin a chhânglêt a ni.
Gracie chu damdawiina an hruai hnu lawkah a boral thu an puang zui ta a ni.
