Las Vegas nu pakhat kum 26 mi chu a fanu 2 a tihhlum avangin thiamloh chantir a ni, he nu hian naupang pa hnenah naupang taksa bung hrang hrangte chu pawisa tam tak man anih thu a hrilh fo thin tih an tarlang.
Amanda Sharp-Jefferson kum 26 mi chu November 6 Zirtawpni ah tualthah thubuaiah man a ni. A bialpa Jaykwon Singleton chuan Ina ava haw chu a fanute- Rose kum 1 leh Lily thla 2 mite chu naute then bawmah inthuahin biak tur awm tawh lovin an lo thi tawh a ni tiin The Review Journal chuan thubuai ziahluhna a ziak an tarlang.
Singleton chuan investigatorte hnenah Sharp-Jefferson chuan thil pakhat hrilh ruk fo aneih thin thu leh chu thil chu naupangte taksa bung hrang hrang (organs) te chu pawisa tam tak man an nih thu a sawi thin tiin an tarlang a ni.
Taksa bung hrang hrang hlutna a hriat dan an zawhna chu, Sharp-Jefferson chuan, “Lemchan (movies) ah mihring thi tawh taksa hmanga sum an lalut a hmuh atang anih thu a sawi tih Fox 5 Vegas chuan an tarlang bawk.
Police-te chuan hmeichhe naupang 2 thihdan chungchang chu an la hriatchian loh thu an sawi a ni.
Police-te hnenah Singleton chuan Sharp-Jefferson nen kum 2018 atanga awmdun an nih tawh thu sawiin, tunhnaia thlarau lamthil danglam deuh deuh a sawi thin hma chuan an inkarah buaina engmah a awm ngailoh thu a sawi a ni.
Mahse a bialnu Sharp-Jefferson vethung chuan inphiar rukna thil a ni, fa pawh a neihloh thu leh Singleton chu hriat pawh a hriatloh thu a sawi a ni tiin The Review Journal chuan an tarlang.
Thuneitute hnenah Sharp-Jefferson chuan zu leh damdawi in a thununlo tih a sawi a, mahse inchhungah erawh marijuana a awm maitheih thu a hrilh a ni tiin Fox 5 Vegas chuan an tarlang.
Sharp-Jefferson chu Thawhlehni (Nov. 10)khan Justice Karen Bennett-Haron hmaah a in lan a, Ningani ah hearing neih chhunzawm leh turin a ti a, tin, ukil te chu an mi rinhlelh bail lova hren zui anih dawn leh dawnloh chungchangah lo inbuatsaih turin beisei bawk a ni.
Kum 2017 khan Sharp-Jefferson hi mi bungrua tihchhiat thubuai alo nei tawh a, a hnuah a thubuai chu tihtawpsak alo ni tawh bawk a ni.
