Naupang kum 8 mi chuan a nu in a intihhlum hmaa a unau dangte kum 3, kum 6 leh kum 10 mi rapthlâk taka a tihhlum lai chu a hmu a, tlânchhiain a pumpelh ta a ni.
Zirtawpni (Nov. 20) zing khan Police-ten an rawn biakna va bawhzuiin Marion, Virginia ah hmeichhia kum 27 mi leh naupang 3 te chu an va hmu ta a ni.
The Smyth County Sheriff Office chuan naupang kum 8 mi erawhin he thilthleng hi a pumpelh tih an sawi a ni.
WJHL chuan naupang chu a chhungte bulah a awm tawh thu an tarlang.
Smyth County Sheriff Chip Shuler chuan officers te chu Zirtawpni zing dar 6.15am ah a hmunah an va thleng a, chutah chuan ruang 3 bakah naupang kum 6 mi hliam na tak tuar an hmuh thu a sawi a ni.
Naupang chu a rang thei ang berin Johnson City Medical Center ah enkawl tura hruai a ni a, nimahsela, Inrinni ah a thih thu puan a ni zui ta a ni.
A taksa chu Chief Medical Examiner’s Office ah endik (autopsy) tur a thawn a ni a, tichuan zirchianna an nei nghal dawn a ni.
Police-te chuan he thu ziah lai thleng hian a tuartute hming hriat ala ni lo tih an sawi.
Shuler chuan nu ber leh naupang 3 te inlaichinna chu ala hre thei lova, mahse an thenawm khawvengte’n chhungkua an ni ngei tiin an sawi tih Bristol Herald Courier chuan an tarlang.
Billy Campbell chuan anmahni chhungkua hi rualpawl lo leh mahnia awm hrang tlat thin annih thu a sawi a. An in pawh loh thu leh annu erawhin a biak fo thin thu a sawi a ni.
Police-te chuan an chhuizuina atangin hmeichhia chuan naupang 3 te chu a that tih leh midang rinhlelh tur an hmuhloh thu an sawi a ni.
