Crystal Smith nupui chuan a pasal Ne-Yo’an online kaltlangin a then tih a sawichhuak. A pasal Ne-Yo’an a then thu hi entertainment site lamah podcast atangin a hrechhuak tih a sawi.
Crystal Smith chuan a pasal Ne-Yo in a then tih chu Podcast a hmuh hma loh a lo hre hauh lo tih Private with Alexis Texas ah a sawi lang. He an inthenna thu hi press lam paw’n an chhuah chhawng ve leh ta a ni.
Ne-Yo, a hming tak Shaffer Chimere Smith pawhin “Zawi zawiin mahse, mipui vantlang hriata chiang tak siin leh keimah leh ka nupui ngei hriatah inthenna lam tluang kan zawh mek a ni” tiin a sawi ve bawk.
Ne-Yo chuan a nupui Crystal Smith chu a chanchin chhe lam sawi tur a nei lo tih sawiin, a fate tan nu tha tak a nia, a ni reng bawk dawn tih tarlangin a zah em em tih a sawi.
Crystal leh Ne-Yo-te hi 2018 khan an inneia, tiang teh thuta an inthen ta mai chu a hrilh haithlak ngei in a rinawm. An inkarah harsatna em em awm lo mahse, an inthen mai chu a tha zawk tih a pasal Ne-Yo chuan a sawi a ni.
