Mipa pakhat UPS delivery driver chuan a fapa in masi putar hnena lehkha a thawnah chuan naupang lâwm chi hrang hrang a ziah a ring a, mahse a hawn meuh chuan a thinlung khawih tak thil a hmu ta a ni.
Naupang pa chuan, a fapa in Santa hnena lehkha thawnsak tura a pek a chhiar hnu chuan a mittui a tlâk thu a sawi.
A pa chuan lehkhathawn thlalak, pencil a ziak chu Reddit ah a pho chhuak a, a caption nen reiloteah a viral nghal a ni: “UPS driver ka ni a, ka fapa in Santa hnena lehkha a thawn ka chhiar chuan min ti ṭap a ni” tiin a ziak tel a ni.
A fapa thu ziakah chuan, “Dear Santa, kapa nen hian hun tam zawk hman hi ka duh takzet a ni, a hna hi i chawlhtir hma theih chuan ka lawm ngawt ang, achhanchu, kapa hi UPS hnathawk a ni a, mite hian thilpek tam tak an chah bawk si a. Eng emawti zâwng tal a i puih theih chuan ka lawm ngawt ang. I rintlâk, Jonah” tiin a ziak a ni.
Mi ṭhenkhat chuan hetianga an thil tawn tawh an lo sawichhuak ve bawk a, mi 1 chuan “lehkhathu chuan an thinlung a ti tuiral” tih a sawi a, an naupan lai hun zawng zawngah an pa chuan zan tlai thlengin hna a thawhsan ṭhin tih a sawi a ni.
Mi 2-na lo chhâng lêt tu chuan, “In thil tawn chu ka hrethiam khawp mai. UPS truck driver assistant ka ni ṭhin a, darkar rei tak tak chhûng chu rim takin in thawk ṭhin a ni. In chhuang hle rawh” tiin a ziak a ni.
A 3-na chuan, “Tunah chuan thilpek ka chah ṭhin pawh kha tisual ka inti rum rum mai.”
Midang chuan, “Puitling tân Santa ang mai i ni”, mi ṭhenkhat chuan, “Omg kan Santa a ṭap” tiin an lo chhâng lêt bawk a ni.
