Georgia McCarthy chuan thla 6 chhûng hnute cancer a sual hnuin November 11 khân a boral a, a pasal Isaac chuan a nupui “mahni hmasial lo leh thilphal tak” thiltih chu chhunzawmsak zel a tum thu a sawi.
Georgia McCarthy chu kum 25 mi niin a boral a, a natna tawrh chu reilo hle mahse, a thihpui zui ta a ni. Amah hrechiangtute chuan ‘mi bik’ tiin an sawi a ni.
A pasal Isaac nen October 11–Georgia kum 25-na pianchampha ah tak Liverpool St. George Hall ah tiam e tiin an inneia. Hetah hian a cancer ṭaidarh dân chu hre lovin chhungkua din zai an rêl a ni tiin LiverpoolEcho chuan a tarlang.
Thinlung na tak chungin Isaac chuan a nupui ‘mahni hma sial lo’ tak chu hriat rêng nân a thiltih ṭhin chu chhunzawm a tum thu a sawi lang a ni.
Isaac chuan ECHO hnenah, “A ni chu mahni hmasial lo tak a ni a, ka tawn tawh zîngah chuan mi fimkhur leh ngaihtuahna nei ber a ni. Ngaihtuahna ti zau turin min zirtir fo ṭhin. Phûrna leh chakna min pe tu ber a ni” tiin.
“Ka duhthusam fo ṭhin hna ka thawh mêk pawh hi amah awm lo se ka ti thei lovang, a chhan chu a tello chuan mahni inrintâwkna leh huaisenna hi ka nei thei dawn lo a ni. Tehna chi hrang hrang aṭanga teh pawhin amah ang hi an awm lo a ni” tiin a sawi a ni.
Georgia chu kumin April thla, coronavirus thawh khatna a lo thlen lai khân triple-negative breast cancer a vei tih hmuhchhuah a ni a, hetia a natna hmuhchhuah anih veleh hian a chi nung chu Isaac nen chhungkua an din theihna turin an ti khal (frozen) a ni.
Kum 25 a upa hmeichhe tuar chhel tak hian hripui len chhûng zawngin chemotherapy chu khaihlak miah lovin a la char char a, Isaac chuan a in enkawlna chu a hlawhtling thawkhata a hriat thu a sawi.
Amaherawhchu, October 27, an inneih aṭanga ni 14 ni ah, Georgia chu Royal Liverpool Hospital-ah a kaih thut avângin dah luh a ni.
A tîrin, Dâktawrte chuan meningitis (thluak leh hnungzâng thlîng tuamtu râng natna) anih an ring a, mahse vawitam tak an ennawn hnuah Clatterbridge Centre-ah sawn a ni a, November 3 alo nih chuan thu lungchhiatthlak tak a thluakah cancer a darh hman tih an sawi a ni.
Isaac chuan, “Oncologist (Cancer enkawltu Dâktawr) chu a fala bia in thil engkim min hrilh turin ka ti a. Eng chen nge hun a neih? tiin ka zâwt a. Chutah chuan tihdam theih a inrin loh thu leh a enkawl hun chhung chu thla 3 aṭanga thla 4 thleng a ni ang tiin min hrilh a ni” tiin a sawi.
Ni engemawzat hnuah an nupa chuan Walton Center ah an insawn a, chutah chuan Georgia-i chu an zai bakah a thluak natna kai chin chu chemotherapy an pe bawk a ni.
Isaac chuan, “An zaina chu a hlawhtling a, chumi lai chuan a phûrin a la harh ṭha hle a. Cyberman tiin a invuah nghe nghe. Mahse Inrinni zân a lo thlen chuan nasa takin a kaih ta a ni.
Georgia chu a kaih vângin stroke a nei zui nghal a, biak theihlohin ICU ah an dahlut a, a natna tinêp turin an enkawl ta a ni. November 11 a inherchhuak ṭan tihah, Isaac-a kut vuan chungin a muhil hlen ta a ni.
Kum 16 annih lai aṭang tawha inzuiin, Isaac chuan Georgia-i’n charities hrang hrangah a donate fo thu a sawi a ni.
Kum 2017 khân Princess Trust ah a sam a donate a, nikum khân Macmilan Cancer Support nan a lu alo ziat kawlh tawh bawk a ni.
Isaac chuan, “Hnute Cancer a neih hmain, thla tîr apiangin social media kaltlangin awareness a nei ṭhin a, hmeichhiate chu in check fo turin leh an hnute chu nek sâwr (squeeze) fo turin a hrilh ṭhin a ni. A thiltih ṭhin chu chhunzawm ka duh a ni” tiin a sawi.
Georgia thih hnuah chuan, cancer a vei laia an enkawlna hmun The Clatterbridge Cancer Centre leh the Linda McCarthy Centre ten cancer veite enkawlna tur sum an hmuhna turin GoFundMe Page a siam zui ta a ni.
