Mahni inhmangaih hi thil pawimawh tak zawng a ni ngei mai. Mahse he Brazilian pa in mahni inhmangaihna a kalpui dan erawh a dang daih thung. A inhmangaih em avangin a hmangaihna chu midang hnenah hlan phal loin amah hnenah vek a hlan a ni.
Dr. Diogo Rabelo, Bahia, Brazil mi chu amah leh amah inneihna thutiam neiin, a zawmpui chu enkawl turin a intiam ngat a ni.
Amah chauhin mipui hmaah chuan a kala, a lo suangtuah fo tawh ang ngeiin tuipui kamah ngei chuan amah leh amah inneihna a buatsaih ta a ni. He inneihnaah hian a thianthate leh chhung leh khatten pawn an telpui a ni.
Anihna takah chuan, amah chauha awm tur ni lovin dinpui tur nei tur a ni ngei maia, Vitor Bueno leh Diogo te hi November 2019 khan an inhual a, mahse Kuminah an inthena, chuvang chuan Diogo chuan October 16 khan amah leh amah vek inneihna hun chu a buatsaih phah tih an sawi.
A laina hnaite pawhin he hunah hian telpuiin, ami sawm bik 80% lai chuan an telpui a ni. Hmangaihtu dang i neih loh chuan mahni leh mahni inhmangaih mai kha i mamawh chu a ni tih lantir nan amah leh amah inneihna chu a buatsaih tih a sawi.
Diogo chuan mahni inhlutna hi midang kan nuna an awm vang khera awm anih loh zia lantir a duh thu a sawi lang bawk.
