The First Lady of USA Melania Trump chuan, Democrat Joe Biden President atana thlantlin anih hnuah America mipui Zalenna/Rorelna (Democracy) chu venhim angaih thu a sawi chhuak.
Melania Trump chuan, a pasal Trumpa’n Presidential election chu dik lo taka ruksak a ni tia a chhal chu a thlawp thu a sawi.
The First Lady chu ngawi reng thei tawh lovin Joe Biden President atana thlantlin anih chhan chu vote dik lo tam tak a hmuh vang niin a sawi a ni.
Heti hian Twitter ah ziakin, “American mipuite hian diktaka inthlanna neih hi an phu a ni. Vote dik lo ni lovin vote dik tak chauh chhiar tur a ni” tiin a sawi chhuak a ni.
‘Langtlang taka mipui rorelna/zalenna chu kan humhim tur a ni’ a ti bawk.
Inthlan ni ah chuan Melania Trump chuan a pasal a thlawp zia lantirin, Morton and Barbara Mandel Recreation Center, Palm Beach, Florida ah face mask vuah lovin vote a thlak a ni.
Biden leh a vice-president Kamala Harris chuan Delaware a an chakna thu an sawi zawh hnuah, Trump Campaign chuan he an inchuhna hi ala tawp lo tih an sawi a ni.
Battle ground states 7 chuangah vote chhiar tha turin lawsuits an filed a ni.
Trump Campaign chuan dik lo taka vote thlak chu chiang takin an la hre thei lo a ni.
Donald Trump chuan a Twitter account hmang tangkai leh in, vote dik lo la hmuhchhuah si loh chu a nasat thu a sawi a ni.
Nimin a a sawichhuahnaah chuan, “American mipuiten an phu ang ngeiin leh democracy in a phut ang takin, vote dik taka chhiar anih hma loh chuan ka bansan dawn lo a ni” tiin Trumpa’n a sawi a ni.
President in a chaklohna a pawm theihlo tih kan hmuh ang bawkin, Melania thiltih leh tur hi a hriattheih ruai a ni an ti bawk.
Trumpa puibawm thintu Omarosa Manigault Newman chuan Trumpa te nupa inneihna chu a tawp ve nghal tiin a sawi a ni.
Sawi chhunzawmin, “Melania chuan an inthen hun nghakin a pasal office chhuahsan hun hi minute tinin a chhiar thin” a ti bawk.
“Melania chuan a office luah chhunga mualpho taka a chhuahsan chuan, hremna pek dan tur a zawng dawn si a” a ti bawk.
Melania chu 2016 a apasal thlantlin anih khan a tap a ni tiin an sawi a, a thian pakhat chuan, “chak turin a beisei ngai lo” a ti bawk.
New York atanga Washington an insawn dawn pawh khan an fapa Barron “Sikul a zawh angai” tiin thla 5 chhung chu a nghâk a ni an ti bawk.
