Manhattan a nupa tuak thar, Caribbean a honeymoon hmang mekte chu tui chak takin la thut in an tla hlum a ni.
Corporate Attorney, Muhammad Malik, kum 26 leh a nupui Dr. Noor Shah, kum 29 NYU Langone Health a mi zaithiam daktawr (surgeon) chu October 28 khan Turks and Caicos Islands resort ah an tla hlum a, Long Island a an inneihna atangin ni 4 chauh ala liam hman a ni.
An pahnih hian Como Parrot Cay bulah tui awm chen vel an hleuh laiin tui chak thut in ala dun ta a ni.
“Mit a lo hmutute chuan an pahnih chuan an la chhuak thei a, CPR te an ti ngial a mahse an nunna chhan hman an ni ta lo a ni” tiin mo neitu (groom) pa Col. R. Maqbool Malik, kum 70 a upa, Long Island a Pakistani American zinga mi hriat hlawhtak ni bawkin a sawi a ni.
‘Chànna rapthlak tak a ni’ tiin Newsday hnenah a sawi a. ‘Rin phak bakin mi a thawng a, kan fate 2 aruala vuina hun siam angai mai hi lungchhiatna thuahhnih a ni tak meuh a ni’ tiin a sawi bawk a ni.
‘An pahnih hian an in hmangaih takzet a ni’ tiin Malik-a pa chuan sawiin, ‘An pahnih inkara an induh tawnna kan hmuh hian mi a hip takzet, an in hmangaih a ni’ tiin a sawi.
Tuia an tlakna chu thil thleng palh (accidental) ani na meuh mai mahse resort lampangten tui hleuh hlauhawmna leh him lo tur chin (warning signs) tarlan nachang an hre lo chu Malik-a pa chuan a dem hle a ni.
Malika pa chuan an boral thu chu Bahamas a American Embassy atangin a hria a ni.
A fapa dang 2 Salman Malik, 44 leh Ahmad Malik,22 te chu Turks and Caicos ah an ruang va chian turin an kal a ni.
Nupate vuina hun tur chu Pathianni (Sunday) ah Teaneck, New Jersey ah hman tum a ni.
The US State Department, Malik ukil thawhna Manhattan law firm leh a nupui thawhna Department of Surgery at NYU Langone Health te atangin an ui zia thu leh an ngaihzia an sawi a ni.
