Zaithiam Gwen Stefanni chuan kum nga chhung teh meuh The Voice star Blake Shelton nen an inzui hnuah an inhual thu a puang. Steffani chuan an pahnih infawh lai thlalak pho chhuakin, a kut zungtanga inhualna zungbun chu chhuang takin a tilang vah bawk a ni.
Thulakna chuan Gwen leh Blake te hi tun weekend hian an inhual tih a tarlang bawk. Blake leh Gwen te hi tunah chuan thenhran theihloh khawpa thukin an in hmangaih tih a tarlang bawk.
Hemite 2 inkawp rem takte hi US talent series The Voice hunlai 2015 khan an intawnga, a kum leh 2016 kumah an kawppuite an then zui ve ve bawk a ni. Tunah hian an pahnihin damchhunga nupa inkawprem tak tur intawng ni ngei a inngaiin, damchhung hun chhiardun turin an inruahman mek a ni.
He thu lawmawm tak mai a sawi hma chiah hian Gwen chuan a fate pathum nen Blake-te chenna hmunah tun lockdown chhung zawng an chenho thu a sawi. Tunah hian an chhungkuain $30 million In ropui Los Angeles ah an insawn chhuah tawh thu a sawi tel bawk.
