The Church of England chuan niminah neih inangte inneihna (same sex marriage)chu an pawmpui maitheih thu an puang.
Kohhran dan (Anglican rules) in a mipa leh mipa inneih (gay sex) a remtihloh chu kum 2 chhunga thutlukna siamtha turin an intiam a. Kum 3 chhung chu arukin Kohhran hruaitute zingah inhnialna a awm zui a ni.
Bishop of London, the Right Reverend Sarah Mullaly telpuina leh kaihhruainain ‘ Kohhran kal dan tur chungchangah mihring nihna, mipat-hmeichhiatna leh chi thlahna lampang thil, inlaichinna leh inneihna’ chungchangte ngaihtuah ho a ni ang.
Kohhran hruaitute chuan hemi chungchang ngun taka endik turin lehkhabu phek 480 bakah films, podcast leh education courses te an siam a ni.
Kohhran chuan gay rights chungchang hi kum 1987 a Parliament, the General Synod in hman ata tawh an lo pawm thin angin, gay sex hi sual a ni tih hi kalpui zui zel ni rawh se, a tih atang khan ngaihdan an lo nei hrang tawh a ni. Tunkum tir khan bishops chuan sawi nawn leh in, mipat-hmeichhiatna (sex) chu nupa ah chauh a ni tur a ni, mi tupawh inneih theihna dân (civil partnerships) chu hurna lama inthianthatna (sexually abstinent friendship) a lo ti a ni.
Neih inang inneihna hi kum 2014 khan dánin a pawmpui tan a, hemi hma chiaha mi inzulzui tak chu civil partnerships niin, mi tupawh inneih theihna kalpui tute an ni a, 2005 khan a hming vuah chauh a ni. Amaherawhchu, dàn chuan Kohhrante chu a hmanloh theihna a pe bawk a ni.
The Bishop of Coventry, the Right Reverend Christopher Cocksworth, nimina thuthar siamtu zinga mi chuan, “Rinhlelh rual lohin Kum 2022 ah khi chuan Kohhran hian thil thenkhatah thutlukna a siam ngei angaih hun a tawng dawn a ni” tiin a sawi a ni.
Sawi chhunzawmin, ‘Mi thenkhatin hetianga inneihna dan hi than chhoh zelnan kalpui a hun tawh tia ngaihdan nei an awm a ni’ a ti bawk.
Sawihona hi nakumah zo fel thei tura ngaih a ni a, a tawp kharna tur thutlukna tak tak siam turin kum 2022 ah Synod hmaah put luh zui a ni dawn a ni.
Synod hian Dânpui zulzuiin dân a siam thei a, mahse a siam chhung hi a rei deuh a ni. Kohhran hmasate tihdan thiatin neih inangte inneihna hi kum 2025ah urhsun takin a pawmpui maithei a ni.
The Archbishop of Canterbury, the Most Reverend Justin Welby chuan kum 2017 ah siamthat a tum a. Mahse a thiltum malsawm rawngbawlnaa (blessing service) tel phal a, gay inneihna erawh phalloh ni rawh se a tih chu Synodah zahthlak khawpin hneh a ni. Gay rights tantute leh conservative Anglican te chuan pawm lo ve ve in, an hnehsak ta a ni.
Nimina an lehkhabu leh film siam chu ‘Living in Faith and Love’ tih a ni a. Archbishop Welby chuan lehkhabu chhunga Archbishop of York, the Most Reverend Stephen Cottrell thu ziak sawi chhunzawmin, Kohhran hian gay-te a tihnat hi a zak hliah hliah tur a ni tiin a sawi.
Gay rights leh same sex marriage kan tih angte pawh hi hmeichhe puithiam leh bishop chungchanga kum tamtak inhnialna chu tihfel anih angin siamfel thuai a nih rin a ni. Mipa te chauh puithiam, bishop, pastor, rawngbawltu,etc. nih theih ni thin kha, tunah chuan hmeichhia te pawh puithiam (priests) leh bishops ah te, pastor bial neite in an awm tawh a ni.
