Michigan a nupate chuan a zawn a mipa fa hlir 14 an neih hnuin, hmeichhe naute duhawm tak an nei.
Ningani (5 Nov.) khan Kateri Schwandt, kum 45 mi atangin fanu duhawm tak Maggie Jayne, 7 lbs a rit, 8 oz leh inches 20 a sei alo piang chhuak a ni.
Apasal Jay, kum 45 a upa nen an in khatin fa 14 an nei na chungin, fanu an nei lova, a tawp a tawpah fanu an nei ta a ni.
Schwandts nupate hi tleirawl an nihlai atangin fa an nei tan tawh a, Gaylord high School leh St. Mary’s an kal laiin an intawng tan a ni. Kum 1993 ah an innei a, an graduate hma hauhin fapa 3 an nei hman a ni.
An nupa hian hmeichhia alo pian theihnan, X chromosome pahnih intawntir turin an bei ve nasa hle a ni.
Jay chuan, “Kan chhungkuaa Maggie lo piang hian kan zavaiin min ti lawm em em a ni. Tunkum hi chhan tamtak vangin hriat reng tur a awm teuh mai a, mahse Maggie hi kan ngaihtuah phak bak thilpek a ni” tiin a sawi.
‘Kanu leh pate hian fanu an nei tawh dawn lo emaw an intih laiin hmeichhe naute an nei hi malsawmna an dawng a ni’ tiin an fapa upa ber Tyler Schwandt,28 chuan Detroit Free Press hnenah a sawi.
Schwandts nupa fa dangte chu- Zach, Drew, Brandon, Tommy, Vinny, Calvan, Gabe, Wesley, Charlie, Luke, Tucker, Francisco leh Finley te an ni.
Kateri chuan hetiang chhungkaw rual lutuk mai chu atthlak tak a ni, buai nuai nuaina, bengchheng nen, buaipui tur an tam thu a sawi a mahse, ‘nuam kan ti a ni, ti lo ila hetiang zat zat fa kan nei lovang’ tiin a sawi.
