Catfishing (Mipa leh hmeichhia website a in date) hi thil thar a ni hoh lo, an thlalak lem (fake profile) hmangin mi sang tel sum tam tak sengin an inbum thin a ni.
Hetiang thil hi Beijing, China a nu pakhat fa pahnih nei tawh chuan a pasal hnaa abuai theih em avangin, a khawhar hnem nan mipa dang zawngin alo kawp thin a ni.
He hna hi kum 2017 khan a thawk tan a, Zhang hian a hming lem atan Zhou Mo inti in, mahni chauha fa enkawl angin a in tarlang a, mipa hrang hrang inlaichinna neihpui turin a thlem thin a ni.
Kompas.com in a tarlan dan chuan, he nu hian a hmelthatna leh itawmna chu hmangaihna zawn nan chauh hmang lovin, a mipa kawpte chu a inluah man, damdawi man leh a fate pahnih enkawl nan tiin Yuan 400,000 lai alo dil hman a ni.
He nu thiltih tha lo tak mai hi August thla khan a tuartu ni ve mai tur pa pakhat in a chanchin a zirchianna atangin hriat chhuah a ni ta a ni. A hnuah thuneitute’n man in, a chhungte chuan kum 2 liamtaa a thiltih hi engmah an hriatloh thu an sawi.
Thuneitute’n an man hnu thla a liam hnuah, Zhang chuan a pawisa hmuh zawng zawng chu online a pawisa khelhnaah a hman vek thu a puang.
Zhang-i pasal chuan mak a ti hle a, amaherawh chu thuneitute’n a nupui an man avang leh dan in rorelna fel tak a neihsak avangin a lawm hle thung a ni.
Tunah hian, Zhang-i chu danin kum 8 leh thla 5 tang tura atih bakah Yuan 40,000 chawi turin a chungthu a relsak bawk a ni.
