Milarte chanchin ziaktu Page Six in thla khat liam ta khan nupa tuak lar Jennifer Lopez leh a pasal Alex Rodriguez-te inthen thu chu a lo tarlang tawha mahse, an inthen thawm a ri nachungin an inkarah harsatna sutkian tumin leh an inlaichinna sawhnghet turin tan an khawh mek thu mite hriatah an puang zui ve bawk.
Mahse, rinloh tak maiin Ningani khan nupa tuakte chuan thuchhuah siamin Jennifer leh Alex Rodriguez-te chuan an inthen fel tih an puang leh ta!
Today Show-ah Jennifer Lopez kum 51 a upa leh a pasal Alex Rodriguez kum 45 a upate chuan thian tha anga awm chu an tan a that zawk thu sawiin, an sumdawnna leh projects lamah pawh an inpuihtawn zel tur thu an sawilang bawk.
Hriat tawh angin Pop superstar Jennifer Lopez hian a pasal hmasa Marc Anthony lakah phir kum 13 a upa leh fapa Max bakah fanu Emme a nei a ni. Alex hian a nupui Syhthya Scurtis lakah fanu 2 Natasha kum 16 mi leh Ella kum 12 mite a nei ve thung a ni.
Page Six in a lo tarlan tawh angin Jennifer leh Alex te hi 2019 khan an inhuala, Covid-19 avangin inneihna vawi 2 an lo thulh tawh nghe nghe. An inthen chhan ber nia lang chu ‘Southern Charm’ Star Madison LeCroy lakah Rodriguez chuan hmingchhiatna a nei niin an sawi.
