Kar hmasaa Bali thliarkar a bo Indonesian Submarine chu a pil bo atanga ni 3 hnu April 24 khan hmun 3 ah a kehchhia tih hmuhchhuah niin a chhunga chuang mi 53 te chu Indonesian Military lam chuan an thi tih an puang nghal a ni.

He submarine hi kar hmasaa bo tawh kha a nia, Official-te sawidanin KRI Nangalla 402 hi Inrinni liam ta khan Oxygen supply chu zoin he chhiatna hi a thleng zui ta ani tih an sawi. Navy Chief of Staff Yodu Margono chuan hmun 3 ah Submarine hi a phel tih a tarlang a ni.

KRI Nangalla 402 hi a bo tih hriat a nih veleh ram thenkhat US leh Malaysia bakah Singapore ramte pawh a zawn hna an thawhpuia, April 24 khan Bali tuipui mawng ah hmun 3 a phelin an hmu ta a ni.

Navy Chief of Staff Yodu Margono pawhin an tuihnuai lawng hi a kum a upat tawh avangin hnathawktute thiam loha dah chu thil dik a ni lo tih a sawia, he chhiatna thleng atang hian an ram chuan zirtur a nei a ni a ti bawk.

Indonesian President Joko Widodo pawhin mithi chhungte a tawrhpui thu tarlangin chhiatna thleng chu an duh vang renga thleng a ni lo tih hriatthiampui turin a ngen nghal bawk a ni.

LEAVE A REPLY

Please enter your comment!
Please enter your name here