American Rapper leh Actor lar ni bawk Earl Simmons, DMX or Dark Man X tia hriat lar zawk mah chu kum 50 Mi niin April 9 khan a boral tih People Maganzine chuan a tarlang.
Media lamin an tarlan danin kum 50 mi Actor lar DMX hian a taksa in a zawh bakah damdawi a khawih avangin a lungphu a buai nghala, New York Hospital ah dah luh a nih hnuah a nunna chhan tumin theih tawp an chhuah thu a manager chuan a sawi a ni.
Milarte chanchin ziak langtu TMZ pawhin DMX hian damdawi a hman khawloh avangin a taksa in tuar loin lungphu chawl in a thi tih a tarlang ve bawk.
DMX hian film lamah pawh sulhnu a ngah ang reng hle. A hla lar zualte chu Party Up (Up in Here) leh X Gon’ Give It To Ya te pawh a tel a ni. A damchhung hun chhiar dan hi a khirh khan ang renga, dan a bawhchhiatna chuan hmun thimah hruailutin jail bang hial a zut chang a tam hle a ni.
Rapper DMX hian Albums 8 lai a tichhuak hmana, a hla zinga 3 chuan Grammy Nominations a hlawh pha hial a ni.
