Milarte khawvela a hming lam rik loh theih loh Kylie Jenner chuan a fa 2 na tur a pai leh mek tih hriat a ni.
Page Six in thudawn hrang hrang atanga a tarlan danin, kum 24 a upa Kylie Jenner chuan a pasal Travis Scott lakah fa 2 na a pai thu a tarlang a, nu dinhmun ngai chu a luah leh dawn a ni.
Nupa tuak lar Travis Scott leh Kylie Jenner te hian fanu kum 3 mi Stormi an nei a, Jenner pawhin a hmain a fanu Stormi pianpui unau neih a it thu a lo tarlang tawh a ni.
Kylie in naute a pai tih thawm hian an chhungkaw pum a nghawnga, an hlim tlang hle niin thudawnna chuan a tarlang bawk a ni.
Kylie in naute a pai thu hi, a nu Caitlyn Jenner in Nilaithawhtan ni khan tu piang tur dang a neih thu a puan hnuah a darh zuia mahse, a chanchin tarlan hian a fapa Burt Jenner fa 3 na lo piang tur a sawilanna a ni thung tih an sawi. Burt Jenner leh a bialnu Valerie Pitalo te hian fa 2 a nei tawha, tunah hian a 3 na tur a pai leh mek a ni.
Harper’s Bazaar’s March Issue atan Kylie in interview a hmachhawnnaah, pawh Kylie chuan a fanu Stormi chu a hmangaih thu leh unau pianpui nei thuai se tih a thlakhlelh thu a lo sawi lang tawh a ni.
