Milar te khawvel hi zawng sawi tur a tamin an chanchin hian khawvel media a luah a ni ber!
Model leh rap thiam lar ni bawk Moriah Mills kum 27 a upa chuan milar ni mahse thian tha a neih theih loh thu a sawi lang a ni.
New York khawpui a khawsa rapper lar Moriah chuan, hmanni lawk khan an kawmnaah thiantha a neih rei theih loh thu a sawi a, a thian tha neih theih loh chhan erawh a dangdai ang reng phian.
A sawidanin, patling hoin an star thei sia, a hmeichhe kawm an pasalte chuan an ngaihzawn ruk thin avangin a tawpah chuan a thianthate pawh an thin a rima, an phatsan leh thin a ti ani.
A sawi chhunzawmnaah, a thian thaten an tlansan zel tak si avang hian mahnia khawsak mai chu nuam a tih zawk thu leh a uite vulh lai nen chauh an awm dun thu a sawi a ni.
Moriah Mills chuan tianga thian a neih theih lohna chhan chu a taksa pianphung khal tha tak vang a nih thu a sawia, mi paten an star rawn tlat avangin amah chauha a nilen a lo tul ta a ni a ti bawk.
