Sunday niah Oklahoma, Pauls Valley ah football inkhelhna hmunah thil mak ang reng tak leh beisei phak loh a thleng ta tlat mai le!
Game a kal mek laiin Referee Davi Bathez chuan a silai phawrh chhuakin Players lam hawiin a hmetpuak zui tih hriat a ni. He thil duhawm lo tak thlen hnu hian Referee Davi chu Police ten an man zui ta a ni.
Police lam atanga thudawn danin, he buaina hi Referee Davi-a’n player zinga pakhat Red Card a pek hnuah niin, Red card avanga buaina chhuak avang hian Referee chuan a car atangin silai a phawrh a, player zinga pakhat lam hawiin silai a hmetpuak zui ta a ni.
Oklahoma News station KFOR chuan he thil thlen lai hi an lo man hman hlauh tih hriat niin, tumah hliam an awm lo chu thil mak tak a ni tih thuneitute chuan an sawi nghe nghe.
Referee Davi Bathez chu silai a hmehpuah veleh car ah lutin, chak takin a tlan nghal a, Police ten um zuiin a silai nen an man thei ta a ni.
