Marvel leh DC fans te tana thu lawmawm tak chu, Batman film a changtupa ber Christian Bale chu Thor film thar, Thor: ‘Love and Thunder’ tih chang turin Sydney, Australia a thleng tih thu dawn a ni.
He a movie thar tur hi Covid-19 natna in khawvel a tuam avangin tihkhawtlai a ni a, tunah chuan chang chhunzawm turin hmalak tan a ni ta a ni. ScreenRant in a tarlan dan chuan, January 2021 atangin film hi chan tan tur a ni a, film tlangzarh erawhin hun ala duh deuh dawn tih sawiin, fans te chu an lawmin a chhuah hlan an nghakhlel hle a ni.
Amaherawhchu, an chan dan tur kimchang erawh puanzar leh tur a tih a ni. A hma deuh khan, Tessa Thompson, Valkyrie anga changtu khan Christian Bale chu Thor: ‘Love and Thunder’ ah misual ( Villain) ah a chan tur thu a sawi a mahse, eng character berah nge a chan dawn tih sawi lan ala ni lo a ni.
Christian Bale ni lo midang chang ve tur zingah pawh, Marvel Cinematic Universe (MCU) a Academy Awards chawimawina dawngtu, ahmaa Jane Foster tia lo chang tawh Natalie Portman pawh MCU ah alo kir leh dawn a ni.
Superheroes film tamtak chu Covid-19 pandemic avanga chawl lailawk an nih hnuah an chang chhunzawm leh tan dawn ta a, Batman film-ah pawh Robert Pattinson chu chang chhunzawm tura tih a ni.
