DJ leh Producer Garrett Lockhart chu kum 30 mi niin a boral.
The Electronic Dance Music (EDM) artist, i_o tia hriat lâr chu Thawhtanni (Nov 23) khan a boral thu a social media account a an thu ziah atangin hriat a ni a, a thihna chhan erawh tarlan a ni lo a ni.
An thuziakah chuan, ‘Thawhtanni, November 23 ah, khawvel chuan mi ṭha tak nunna a chân ta, Garrett Falls Lockhart, i_o tia hriat ni bawk chu.’
‘He mi bik tak mai rilrua awm alo tih chhuahte chuan, engkim hian awmzia nei lova kan hriat hunah pawh hmangaihna chuan engkim a ti thei tih min zirtir a ni.’
‘Garrett nihna dik tak leh a rilrua awmte chu music hmanga a siamah te hian a nung reng dawn a ni.’
‘Thlamuang takin châwl ang che aw Garrett. Kan hmangaih che.’ tiin an ziak a ni.
Washington, D.C. a khawsa hi pseudonym Fawks hnuaiah alo thawk tawh bawk a ni.
Kum 2019 ah khan Grimes nen thawkdunin, Miss Anthropocene album-a a hla Violence track kha a siam a ni a, mite hriat a hlawh berna niin a lâr phah hle a ni.
Heng hla Low, Death by Techno leh Don’t Stop track a siamte pawh hi a lârpui hle a ni.
