Medical zirlai leh Instagram wannabe star tleirawl pakhat chuan a nu lung, chuap leh ril te chu a phawrh chhuahsak a, tichuan thlamuang tak maiin a taksa a thisen kaite chu shower ah tifaiin, chumi hnuah a bialpa nen an inhmu zui bawk nia hriat a ni.
Comrot, Moldova a chêng Anna Leikovic, kum 21 mi chuan a nu Praskovya Leikovic, 40, chu an inah choka chemtê in a vit a, rawng taka a sawisak hnuah taka a beiin a thi nghal mai lo tih East2West News chuan a tarlang.
Fanu â tak mai chuan, a nu thi chhâwng a awm reng taksa chhûnglam chu phawrh chhuah tumin a pum a zaisak tih thuchhuah chuan a tarlang.
Leikovic chu ‘thil sual rapthlâk tak tia a rinhlelh a ni tih Komsomolskaya Pravda chanchinbu chuan a tarlang bawk. A nu chu chemtê in a vih hnuah, a nung chungin a lung a phawrhsak zui bawk.
Thil awih harsa tak ni mahse, a ngial ngan taka sawi chuan a lung chu a zai chhuahsak ngei a nih thu thuneitute chuan an tarlang.
Medical zirlai, Instagram a followers 9400 neitu mek chu court-a a inlan laiin reporter pakhat chuan a nu râwng taka a thah laiin a taksa a hlep em tiin a zawt a? “Goodbye”, tiin Leikovic chuan nui chungin a chhâng a ni.
Tualchhung report East2West in an ziah dân chuan, a nu chu hna a thawh zawh hnuah an chenna in Germany ah ava haw chuan a fanu in drugs a tih ngei a ring a, treatment lâk dân tur alo ruahman sak a ni. Anna chu a thinrim hle niin an sawi.
“Chhungkaw ṭha tak an ni a sin” tiin Anna pate Vladimir chuan sawiin, Anna-i rehab (drugs treatment pek) ngaia a awm chu a ring thei lo a ni.
“Praskovya chuan a fanu hi a hmangaih hle a, a hun tam thei ang ber chu a bulah a hmang ṭhin” tiin a sawia, “Darkar 2 hnuah Police-ten an mi rinhlelh chu Anna anih thu min hrilh a, ka suangtuah thiam lo hle a ni.”
Police Spokeswoman Lyubov Yanak chuan, “An mi hrên lai chu rinhlelh kai ber anih thu leh midang rinhlelh tûr dang an awm lo” tiin a sawi. Tualthahna rapthlâk tak mai thlen chhan chu an chhui chiang mêk a ni.
(VIDEO)
