India ram zet hi zawng rindan leh ngaihdan mak danglam tak tak pianchhuahna ram a ni ti ila a dik mai awm e. Hmeichhe pakhat chuan anchhe lawh tawh a nihna lak ata a zalen theih nan ui pasal ah a nei tawp mai a ni.
Hmeichhe pakhat Mangli Munda chu anchhia lawh a nih thu an sawia, eng ang anchhia ber nge lawh a nih erawh tarlan a nilo thung. Khaw mite chuan he hmeichhia hi anchhe lawhna lak ata a zalen theihna awm chhun chu ui pasal ah a neih chauhin ani tih an hrilh ta ani. He video hi BarCroft TV chuan tarlangin mite ngaihven a hlawh hle.
Mangli nu leh pate chuan khawmite thurawn chu ngai pawimawhin, an fanu ânchhe lawhna lak ata a zalen theih nan ui nen inneihna buatsaih chu an remti ta nghal tih an sawi.
Khawlaia ui pakhat chu an hmuh chu Mangli pasal atan an hual a, khawvela inneihna vang tak mai ui leh mihring inneihna chu thlentir ngei an tum ta a ni.
Trending News Portal in a tarlan danin, Mangli chuan ui pasal atana neih chu a duh biklo nachungin nawrhluih a nih thu a sawia, khawmite an hlim loh hlauin an thu a zawm ve mai a ni a ti. A nu pawh he inneihna dangdai takah hian sum an seng nual tih a sawia, Mangli anchhia a bo theih nan leh khawmite hlim taka an awm chu an duhthusam a ni a ti bawk.
Tianga an inneih hnu chuan khum khatah mutdun a hnekin ui chu pawnah a thlunga mopa nihna chu an hlihsak nghal tih an sawi. Mangli Munda pawh pasal tha tak nei leh thei turin hun tha a nei ve leh ta bawk.
(VIDEO)
